ھازىرغىچە مەۋجۇت بولغان بارلىق دەلىللەر ۋىرۇسنىڭ تەبىئەتتىكى ھايۋانلاردىن كېلىپ چىققانلىقىنى، سۈنئىي ئىشلەپچىقىرىلمىغانلىقىنى ياكى سىنتېزلانمىغانلىقىنى كۆرسىتىپ بېرىدۇ. نۇرغۇن تەتقىقاتچىلار ۋىرۇسنىڭ گېنوم ئالاھىدىلىكلىرىنى تەتقىق قىلىپ، بۇ دەلىللەرنىڭ ۋىرۇسنىڭ تەجرىبىخانىدا كېلىپ چىققانلىقى توغرىسىدىكى قاراشنى قوللىمايدىغانلىقىنى بايقىدى. ۋىرۇسنىڭ مەنبەسى ھەققىدە تېخىمۇ كۆپ ئۇچۇرغا ئېرىشىش ئۈچۈن، 23-ئاپرېلدىكى «دۇنيا سەھىيە تەشكىلاتىنىڭ كۈندىلىك ئەھۋال دوكلاتى» (ئىنگلىزچە) گە قاراڭ.
دۇنيا سەھىيە تەشكىلاتى بىلەن جۇڭگو بىرلىكتە COVID-19 غا قارشى ئېلىپ بارغان خىزمەت جەريانىدا، دۇنيا سەھىيە تەشكىلاتى بىلەن جۇڭگو 2019-يىلى كورونا ۋىرۇسى كېسىلى توغرىسىدىكى بىلىم بوشلۇقىنى تولدۇرۇش ئۈچۈن بىر قاتار ئالدىنقى قاتاردىكى تەتقىقات ساھەلىرىنى بىرلىكتە بېكىتتى، بۇنىڭ ئىچىدە 2019-يىلدىكى كورونا ۋىرۇسى كېسىلىنىڭ ھايۋانات مەنبەسىنى تەكشۈرۈشمۇ بار. دۇنيا سەھىيە تەشكىلاتىغا جۇڭگونىڭ 2019-يىلىنىڭ ئاخىرىدا ۋۇخەن ۋە ئۇنىڭ ئەتراپىدىكى رايونلاردا كېسەللىك ئالامەتلىرى بار بىمارلارنى تەتقىق قىلىش، ئىنسانلارغا يۇقۇملىنىش ئەڭ دەسلەپ بايقالغان رايونلاردىكى بازار ۋە دېھقانچىلىق مەيدانلىرىدىن مۇھىت ئەۋرىشكىسى ئېلىش ۋە بازاردىكى ياۋايى ھايۋانلار ۋە دېھقانچىلىق ھايۋانلىرىنىڭ مەنبەسى ۋە تۈرلىرى توغرىسىدىكى تەپسىلىي خاتىرىلەر قاتارلىق يۇقۇم مەنبەسىنى تەكشۈرۈش ئۈچۈن بىر قاتار تەتقىقاتلارنى ئېلىپ بارغانلىقى ياكى ئېلىپ بېرىشنى پىلانلىغانلىقى ئۇقتۇرۇلدى.
يۇقىرىقى تەتقىقاتلارنىڭ نەتىجىسى ئوخشاش يۇقۇمنىڭ ئالدىنى ئېلىشتا ئىنتايىن مۇھىم رول ئوينايدۇ. جۇڭگو يەنە يۇقىرىقى تەتقىقاتلارنى ئېلىپ بېرىش ئۈچۈن كلىنىكىلىق، ئېپىدېمىئولوگىيەلىك ۋە تەجرىبىخانا ئىقتىدارىغا ئىگە.
دۇنيا سەھىيە تەشكىلاتى ھازىر جۇڭگوغا مۇناسىۋەتلىك تەتقىقات خىزمەتلىرىگە قاتناشمايدۇ، ئەمما جۇڭگو ھۆكۈمىتىنىڭ تەكلىپى بىلەن خەلقئارا ھەمكارلار بىلەن بىرلىكتە ھايۋاناتلارنىڭ كېلىپ چىقىشى تەتقىقاتىغا قاتنىشىشقا قىزىقىدۇ ۋە خالايدۇ.
ئېلان قىلىنغان ۋاقىت: 2022-يىلى 7-ئاينىڭ 25-كۈنى